حوزہ نیوز ایجنسی | مرحوم آیتاللہ محمدتقی بافقی نجف اشرف سے ایران کی طرف سفر کر رہے تھے کہ راستے میں ایک عجیب واقعہ پیش آیا۔ ایک سرد رات وہ ایک قہوہ خانے کے قریب پہنچے جہاں کچھ لوگ جوا کھیل رہے تھے۔ اگرچہ آپ امر بالمعروف و نہی عن المنکر میں معروف تھے اور رضا شاه کے دور میں شاہ کی اہلیہ کو بے حجابی پر حرم حضرت معصومہ میں تنبیہ بھی کر چکے تھے، لیکن وہاں حالات مناسب نہ ہونے کی وجہ سے خاموشی سے واپس لوٹ آئے۔
اسی اثنا میں کسی نے آواز دی: "محمدتقی!" آپ نے دیکھا تو ماحول بدل چکا تھا، فضا بہاری ہو گئی تھی۔ وہ رات وہیں گزاری اور صبح ایک نورانی شخصیت کے ساتھ ایران کی سمت روانہ ہوئے۔ راستے میں اچانک آپ پر حقیقت آشکار ہوئی اور سامنے والے نے فرمایا: "میں صاحب الزمان ہوں۔"
آپ نے عرض کیا: "کیا میں آپ کی خدمت کر سکتا ہوں؟"
ارشاد ہوا: "نہیں۔"
پھر پوچھا: "کہاں خدمت کا شرف حاصل ہوگا؟"
فرمایا: "قم پہنچ کر، اور سبزوار میں۔"
آپ قم پہنچے اور تین دن انتظار کیا مگر زیارت نہ ہو سکی۔ ایک دن ایک خاتون سوال لے کر آئیں، آپ سر جھکائے جواب دے رہے تھے۔ بعد میں سبزوار کے قریب دوبارہ امام سے ملاقات ہوئی۔ آپ نے عرض کیا: "قم میں زیارت کیوں نہ ہوئی؟"
فرمایا: "جب تم اس خاتون کو جواب دے رہے تھے، میں وہیں موجود تھا اور تمہیں دیکھ رہا تھا۔"
یہ واقعہ قرآن کریم کی اس آیت کی عملی تفسیر ہے:
«وَ قُلِ اعْمَلُوا فَسَیَرَی اللهُ عَمَلَکُمْ وَ رَسُولُهُ وَ الْمُؤْمِنُونَ»
یعنی: تم عمل کرتے رہو، عنقریب اللہ، اس کے رسول اور مومنین تمہارے اعمال کو دیکھیں گے۔
ماخذ: در محضر عالمان، ص ۲۰۶
آپ کا تبصرہ